Етичкиот комитет при Светската фудбалска асоцијација не пронашол докази за подмитување со што Катар останува домаќин на шампионатот во 2022 година.

Катар во 2010 година ја доби организацијата на Мундијалот во конкуренција на Австралија, САД, Јужна Кореа и Јапонија по што започнаа гласините дека земјата во тоа успеала со подмитување за кое потрошила три милиони фунти.

Сепак по разгледувањето на извештајот од 430 страници независниот проценител Ханс Јоаким Екерт не успејал да пронајде докази за поткупот со што нема да има нов избор на домаќин на Светското првенство во 2022-та.