По три недели во кои сеуште интензивно се раскажува за промоцијата на втората книга на кавадаречката урбана легенда, Златко Вузевски - Паја, „Лакрдиите на Паја“, конечно оние кои ја пропуштија шансата во живо да го проследат еден од најинтересните настани во 2016та имаат можност да уживаат во речиси 1 час смеење до солзи.

Видеото од промоцијата за кое благодарностите одат кај Димитар Стаменов е веќе достапно на интернет, а во него покрај обраќањето на авторот на книгата, ќе уживате и во скечевите на Диме Коцевски и Видан Станоев, говорите на Душко Стефанов, Марјан Тодоровски, Александар Малинков, музиката на Дарко Мирчевски и Јован Коцев, како и во обраќањето на специјалниот гостин на вечерта, Бубо Каров.

За крај, уште информацијата дека сите оние кои останаа без примерок од „Лакрдиите на Паја“, книгата може да се набави во книжарата „Дирикон“ под Стар Балкан и во кафе бар “Тајм Аут“ на „Илинденска“.