Водата од Тиквешкото Езеро е безбедна за капење, риболов, напојување на добиток и разни други видови на рекреација, информира Трајче Ризов, епидемиолг и раководител на Центар за јавно здравје Кавадарци. Безбедноста ја покажале резултатите од последните земени мостри од водата во езерото.

„Водата од Тиквешко Езеро е безбедна според новиот Правилник за квалитет на вода, донесен на 20 јули оваа година“ - вели Ризов.

Оваа вест е од особено значење за кавадарчани, кои голем дел од летото поминуваат во своите викендици на Тиквешкото езеро, но и на бројните спортски риболовци.